診所推介湯水-

診所推介

大寒養生湯|胡椒豬肚雞湯

 

人嘅身體健康都會隨住氣候改變而發生變化!

究竟咩係大寒呢?大寒係一年溫度最低嘅時候,都容易出現感冒!大家要多多注意啊!除咗要保暖!快嚟跟住煲啲靚湯水補補佢啦!

等我哋中醫師嚟分享一碗胡椒豬肚雞湯喇!簡單零失敗!快啲去煲啦!

 

材料:豬肚一個、雞一隻(約2公斤)、薑蔥、料酒、白胡椒粒30至40粒、紅棗五粒、枸杞、鹽少許

 

【做法】

豬肚翻過來,用剪刀剪走油脂加入鹽、麵粉同白醋反覆搓洗後備用。雞洗乾淨之後裝入豬肚入面,加入白胡椒同薑片,跟住用牙籤封好豬肚個口,先將豬肚雞水加薑蔥料酒飛水備用,再重新落水,之後將所有材料同豬肚雞中火燉1粒鐘,最後拎出豬肚雞,將豬肚同雞分別切成細塊再倒番入個湯入面,最後加鹽同枸杞!搞掂!一碗胡椒豬肚雞湯就做好喇!